Hinonggo ko?

-
Yozohon ko do uhun,
hondomon ko nosido, 
Avasi om obintuhung ko nogi ka di suvai, 
Osuau ko om otoguvangan nu nunu nopo ih 
kokousan nosido...

 Hingkaa noh oh okito do suvai uhun,
Ih ongogingol nopo miagal kain do opuak, aiso yomui,
Ih kouhangangan maso id kalamazan,
Iyak toi ko suau nopo oh ih oyongou...

 Nga amu ku okito ino ngaavi, 
Banal no do avasi, obintuhung toi ko osuau zisido
nga suvai ih id pomuhandaman ku...
Ogumu kopoitan, kiiso nogi kokousan...
Ahandaman ku nogi oh hongon nu monuvu papaakan, 
Singud id pingas ih ontok di onini oku poh, 
Om nogi insasamadan nu nogi ontok do sumakit zou..
Tinutub ku motuu oh ginavo do momuondom ngaavi diti?


https://www.catholicireland.net/pope-highlights-impact-absent-fathers/


note:
A poem about absent fathers out there.


















Comments

Post a Comment

Popular posts from this blog

Hino Kou Noh

-
Image
Photo credit: Emily Daim Mamanau oku poh, Mongoi soboong do dahat, Naavi noh kopizo oh ginavoku, Mamazada do koposizon doid hiti, Okon ko amu avasi mogigizon doid hiti, Nga sabab do janji kumaa doho sondii, Mogihum do kosuvazan om nogi kasanangan. Osodu noh opuimanan,  Miagal poh do amu moikot-ikot, Yahan nga okito ku do miagal nopo, Nitungan ku nga kakaal poh poingopung, Ayahom poh pointanom, Kakaal poh poingdokot hiho id kampung. Nasadapan noh do koikot, Hiti noh motuu ponimpuunan do pogigizon diti, Ogumu kopizo id pomusaavanku, Moosi-yoosi nogi opuimanan, nga tomod-tomodon ku nogi, Uhaa noh do pogihuman do kasanangan. Notes: A poem entitled "Farewell Everyone" which is about someone who has to leave her/his beloved hometown in search of a better life. 1
Read more

Toun vagu nodi

-
Image
Nakavahiu noh tokou doid toun vagu. Toun 2018!! Aiso lamai-lamai za hiti kosodop. Aiso zioi makan-makan toi ko "barbeque" om aiso nogi minum-inum miaga kohudaan songovian uhun. Miagal ih do sodop-sodop di nakatahib. Nga amu okuo tu ogumu poh ih toguvangon do suvai. Ogingol nogi tu amu tagal do momusou do nunu posodiaon do lumamai. Odoi kangku diau..okon ko ohuai do monuaat id boos tokou sondii tu nohuda nodi kopizo do monuuat id boos do ulang putih toi ko id Malazu. Ogumu noh ih nohivaan ku. Ogumu nogi ih amu ku noihaan, nga iti nopo nga iso do hizab ku do monuuat id boos tokou moi do amu no atagaak in pomuhandaman. Mamason poh do songovian uhun do Kotobian Toun Vagu 2018 om hobi poh vasi mantad toun di nakatahib. Bah, tumohojo kou noh.                                            Lamai Toun Vagu
Read more

Angaanak Poh

-
Image
Intangai mai di angaanak ngaavi, Bamain sangadau-ngadau, aiso laati iho timpu, kouhagangan nopo ih opuimanan nosido. Intangai mai zosido, mimbul-simbul, minggugusaon, mingtitindakon om mialai-pi-alai, Gisom asadapan om kotonob mai adau. Intangai mai nopo, ada kakasou, Nojunggutan, namangut nodi paama ngaavi,  Amu kokuo, amu nogi poduli, Mogindaaso nogi miagal aiso kosuvabon. Kinongoho mai, miak-iak toi ko mohou-yohou, Asanang oh ginavo, mapap-tapap do hongon, Amu kootos mai do bamain, Amu ohuzan noh ngaavi. Osodop nodi om kodimon nodi do mohoing,  Muhi kou noh! Sumodop nodi! Avagat noh daa oh ginavo do muhi, nga amu kokuo tu suvab songian kopijumpa ih vagu.
Read more