Photo credit: https://www.pinterest.com/pin/46161964905990032/ Kohondom ko matu di songian do ouhagang ko kopizo? Nokuo tu mihad ko do aiso sisimbal? Adaa nogi poinsavaton ino kahansanon nu,  Okon..okon ko hizabnu ih kozomonku. Ih nopo kozomon ku nopo nga ih dandi,  dandi di amu otuhuk do vokon... Uha noh kangku diau..Uhaa noh! Uhaa noh manangkangau do pomusavaan sondii.. Uhaa noh popoyuol do ginavonu... Uhaa no do humansan kumaa do katangaban... Yinubat nu toun-toun do mantad kohibahan diti? Nunu di nangku naanu nu mantad diti? Aiso..Aiso...Aiso...

Amu kokuo koupusanku, Nung amu ko nodi momoduli doho, Amu kokuo nung aiso oku nodi id koposizonnu, Zou ih iso om songuhun noh ka nu di poguhu. Amu kokuo koginavaanku, Sundung poh tu sodop om adau aiso ko id sampapingku, Amu kokuo sundung ih do oyuol, Aiso nodi zou id suang do ginavonu. Poyohomo oh puhobo kangku kumaa sondii, Hobii poh vinaasi nuh, Ponouvon noh ino nitungan, Moi do koihum no do kouhagangan toimo-imo. Translated from : Never mind my love Never mind my love, If you don’t care anymore. Never mind if you’re done with me, Whom once you called the one. Never mind my heart, If nights and days are filled without your presence, Never mind if it hurts, Cause I’m no longer your heartbeat. Take a deep breath, I said to myself. You’re worth more than you thought. Take a deep look inside. May I find the happiness no matter what.

Yozohon ko do uhun, hondomon ko nosido,  Avasi om obintuhung ko nogi ka di suvai,  Osuau ko om otoguvangan nu nunu nopo ih  kokousan nosido... Hingkaa noh oh okito do suvai uhun, Ih ongogingol nopo miagal kain do opuak, aiso yomui, Ih kouhangangan maso id kalamazan, Iyak toi ko suau nopo oh ih oyongou... Nga amu ku okito ino ngaavi,  Banal no do avasi, obintuhung toi ko osuau zisido nga suvai ih id pomuhandaman ku... Ogumu kopoitan, kiiso nogi kokousan... Ahandaman ku nogi oh hongon nu monuvu papaakan,  Singud id pingas ih ontok di onini oku poh,  Om nogi insasamadan nu nogi ontok do sumakit zou.. Tinutub ku motuu oh ginavo do momuondom ngaavi diti? note: A poem about absent fathers out there.

Uha noh kah di boos huminabus mantad kabaang,  Nga amu poh kah di suang ginavo,  Mangan nopo kah di uhun di kataama Nga amu kaanu tii ka di atahou. Avaasi-vasi ih kadi uhun do ohidas, Nga maso-maso noh iti kah di ki oyuol, Gompizon id ginavo ka di obingsaha, Nga amu ih kokuo ka di obingsian. Moitom suvai kopizo mantad opuak, Asavat okon ko osuibo, Osodu okon ko osomok, Avasi nopo nga okon ih ko ayaat. Hingkaa nogi mai id koposizon, Suvai ih mai opuimanan id sahom, Nga suvai ih kokitanan do suvai uhun, Okito kouhagangan om miak-iak ih da nga zisai komiho ganit id sahom, sunduk ginavo?

Vuhan kohimo  Vuhan do monoimo  Kounsikaan ngaavi di notoimo  Saviavi nga mogisosomo.  Songian nopo do kopisoomo  Ie puhavang toi ko osusa pogigizon nga miagal nopo  Mogilalamai gisom do asadapan  Susaa toi ko hinuzan nga amu ie opuimanan. Vuhan diti, vuhan kohimo hondomon tokou ie ngavi mongungumo mantad poh di mohoing di poguhu poh Om hobi po di kakaal poh do mongumo. Kopivosian do adau kaamatan kounsikaan do adau do kovosian Tomoimo do avavasi noh dah ngavi oh uhun tokou Kadazan Dusun.                                         Sia Kinadazan uvang Papar.                                                     Magavau   (Photo credit:  https://upload.wikimedia.org/wikipedia/commons/8/8a/Penampang_Sabah_Kaamatan-Celebrations-2014-01.jpg)

Nakavahiu noh tokou doid toun vagu. Toun 2018!! Aiso lamai-lamai za hiti kosodop. Aiso zioi makan-makan toi ko "barbeque" om aiso nogi minum-inum miaga kohudaan songovian uhun. Miagal ih do sodop-sodop di nakatahib. Nga amu okuo tu ogumu poh ih toguvangon do suvai. Ogingol nogi tu amu tagal do momusou do nunu posodiaon do lumamai. Odoi kangku diau..okon ko ohuai do monuaat id boos tokou sondii tu nohuda nodi kopizo do monuuat id boos do ulang putih toi ko id Malazu. Ogumu noh ih nohivaan ku. Ogumu nogi ih amu ku noihaan, nga iti nopo nga iso do hizab ku do monuuat id boos tokou moi do amu no atagaak in pomuhandaman. Mamason poh do songovian uhun do Kotobian Toun Vagu 2018 om hobi poh vasi mantad toun di nakatahib. Bah, tumohojo kou noh.                                            Lamai Toun Vagu